“Ukrayna və Rusiya arasında təmaslar artıb. Biz buna dəstək veririk”.
Tvit.az xəbər verir ki, bunu Türkiyənin xarici işlər naziri Mövlud Çavuşoğlu deyib.
O bildirib ki, ən əhəmiyyətli məsələ atəşkəsə nail olmaqdır.
“Bu gün Türkiyədə keçirilən görüşdə bəzi mövzularda ortaq razılaşmalar əldə edildi. Daha çətin məsələlərin üst səviyyələrdə müzakirə ediləcəyini düşünürük. Bundan sonrakı mərhələdə hər iki ölkənin XİN rəhbərləri bir araya gəlməli, razılaşmanın mətni hazır vəziyyətə gətirilməlidir. Növbəti mərhələ isə prezidentlərin görüşüdür”.
