Antalya Diplomatiya Forumu (ADF) başlayıb.
Tvit.az xəbər verir ki, ADF artıq ikinci ildir keçirilir.
Dünyanın müxtəlif ölkələrindən nümayəndə heyətləri, o cümlədən Azərbaycandan da geniş tərkibdə nümayəndə heyəti builki forumda iştirak edir.
Forumun təşkilatçıları Türkiyə Prezident Administrasiyası və Türkiyə Xarici İşlər Nazirliyidir.
Bu gün forumun rəsmi açılış mərasimi olacaq. Türkiyə Prezidenti Rəcəb Tayyib Ərdoğan açılış mərasimində çıxış edəcək.
Forum çərçivəsində panellər, ikitərəfli görüşlər keçiriləcək.
Forumu işıqlandırmaq üçün təxminən 30-dan çox ölkədən 350-yə yaxın jurnalist akkreditasiyadan keçib.
