Tehranda havanın çirklənməsi təhlükəli həddə çatdı

Tehranda havanın çirklənməsi kritik həddə çatıb. Bu barədə İranın Hava Keyfiyyətinin Ölçülməsi Şirkəti məlumat yayıb. Qeyd olunub ki, çirklilik təhlükəli bir səviyyəyə – 168 mikroqram kubmetrə çatıb. Qurum vətəndaşların, xüsusilə də ağciyər, ürək çatışmazlığı xəstələrinin, yaşlı və uşaqların küçəyə çıxmaması barədə xəbərdarlıq edib. Bildirilib ki, son günlər çirklənmə dərəcəsi artıb və vəziyyət qırmızı səviyyəyə qədər yüksəlib. Qeyd edək ki, Tehran dünya şəhərləri arasında havanın çirklənməsinə görə 12-ci yerdədir.