İsrail yenə sərt karantinə keçir

İsrailin Baş naziri Binyamin Netanyahu ölkədə iki həftəlik sərt karantin rejiminin tətbiq edildiyini açıqlayıb. İsrail hökuməti bu təşəbbüsü yeni koronavirus infeksiyası hallarının artması fonunda təsdiqləyib. Sərt karantin tədbirləri 7 yanvar tarixindən qüvvəyə minəcək. Bu müddət ərzində məktəblər və bəzi müəssisələr bağlı olacaq. Netanyahu, həmçinin pisləşən epidemioloji vəziyyətə görə dünyanı ciddi nəticələr gözləməsi barədə xəbərdar edib: “Koronavirusun Britaniya mutasiyası səbəbindən, yüksək sürətlə yayılan qlobal bir pandemiyanın qızğın mərhələsindəyik” – deyə, İsrailin baş naziri qeyd edib.